నాన్నా!నీకు పాదాభివందనం

ప్రపంచ తండ్రుల దినోత్సవం సందర్భంగా

నాన్నలకు పాదాభివందనం చేస్తూ

క్షత్రియపుత్రిక శ్రీమతి జి సందిత సమర్పణ

నాన్నా !నీకు పాదాభివందనం 

రచన:సహస్రకవి మిత్ర ,సహస్రకవిరత్న, సహస్ర కవిభూషణ జాతీయగురజాడ ఫౌండేషన్ ( USA)రాష్ట్రవిశిష్టసాహితీసేవా పురస్కార గ్రహీత

శ్రీమతి జి సందిత(Sanditha) బెంగుళూరు

ఎన్నోకష్టములందియున్ కనులలోనేనాడునీరోడ్చకన్

కన్నీళ్ళన్ స్వకుటుంబనేత్రములలోకాన్పింపనోర్పుంచకన్

పన్నుల్ ఖర్చులనోర్చుచున్ ధనముసంపాదింపకష్టించుచున్

కన్నాకైకనిపించి బిడ్డలకు సౌఖ్యంబిచ్చునాన్నే మహిన్

వంటేదైనతనింటిలోదినుటనన్ వారాన రెండ్రోజులే

కంటన్ వేడుకలింటజూచుటపదేగాగంటలేడాదిలో

నొంటన్ సత్తువతక్కువైనపనిలోనూపుంచుముక్కాలమున్

కంటేనాన్ననెకందునాకొడుకుగాఖాయంబు!ఏజన్మకున్ !

తృప్తిన్ జెందరునీసతీసుతులులబ్దిన్ గూర్చికోట్లిచ్చినన్

ప్రాప్తింపన్ వెతముద్రవేయుదురుదౌర్భాగ్యుండయోగ్యుండనన్

తప్తవ్యాకులచిత్తసాంత్వనముప్రాప్తంబారయన్ సాధ్యమే

ఆప్తత్రాణపరాయణత్వమునభక్ష్యంబాయెనీయాయువే!

అయ్యోపాపమనంగబోరుమగవాడంచున్ వెతన్ గూలినన్

కుయ్యోమంచునుకంటనీరునిడనొక్కోనమ్మరాదందురే

మయ్యా?యేడ్చుటతప్పెటుల్ పురుషజన్మంబెంతచోద్యంబయెన్

కుయ్యాళింపగనాన్నజీవితమెటనిక్షుఃకాండసాదృశ్యమౌ

నాన్నాపుట్టగనిమ్ముకూతురుగధన్యంబౌదునీప్రేమచేన్

నిన్నున్ గాంతును నాదుపుత్రుడనమన్నింతున్ ననున్ గొట్టినన్

కన్నుల్ ప్రేవులుకాపుగానిలువనిన్ కన్నట్టినాయట్టిమా

నాన్నమ్మన్ తలపోతునోర్పుగొనగానాదర్శ సంస్ఫూర్తితోన్

రచన:సహస్రకవి మిత్ర ,సహస్రకవిరత్న, సహస్ర కవిభూషణ జాతీయగురజాడ ఫౌండేషన్ ( USA)రాష్ట్రవిశిష్టసాహితీ

సేవా పురస్కార గ్రహీత

శ్రీమతి జి సందిత(Sanditha) బెంగుళూరు

************************